loading...

إيه هو الكيتو دايت ؟!

أهلاً ومرحباً بمتابعينا الكرام في قناتنا الجديده
القناه امتداد لجروبنا على الفيس بوك اللي تقدرو توصلو له من الرابط ده :
https://www.fb.com/teams/keto.code/

هيكلمنا د. محمد الصباغ
زمالة الكلية الملكية
ط.أ.غدد صماء وسكر ببريطانيا
SCE Endocrinology & Diabete

عن علوم التغذيه والسمنه ومشاكلها والسكري ونظام الكيتو دايت

ونبدأ بأول حلقه

يعني ايه كيتو؟
كلمة (كيتو)، اختصار ل ( كيتوجينك)، كيتوجينك دايت نوع من الدايت التابعة لأنظمة قليلة الكربوهيدرات.
ببساطة لو عايز تعمل دايت، حيبقي قدامك كذا خيار، يا تقلل الدهون ( انظمة قليلة الدهون low fats) ، يا تقلل الكربوهيدرات ( انظمة قليلة الكربوهيدرات low carb) ، يا تقلل السعرات ( انظمة قليلة السعرات restricted energy)

طيب إحنا ليه مش بنقلل البروتين؟
البروتين مش مصدر طاقة أساسي، عكس الكربوهيدرات والدهون، علشان يبقي مصدر طاقة لازم يتحول لجلوكوز الأول في الكبد. وبالتالي أنت مش محتاج تقلله علشان تطلع من المخزون اللي في الجسم لإنه مش بيتخزن في الجسم.

حنبقي نتكلم عنه في وقته بصورة مفصلة.
يبقي الخلاصة.

يا تقلل الدهون، يا تقلل السعرات، يا تقلل الكربوهيدرات علشان تخس.

دايماً بيرتبط تقليل السعرات بتقليل الدهون ولكن مش شرط تقلل السعرات وأنت علي نظام قليل الكربوهيدرات.

يعني ايه نقلل الكربوهيدرات؟

بص يا سيدي، لو أنت و معاك اتنين اصحابك كسبتوا 100 جنيه، و حتوزعوهم بينكم، بفرض واحد منكم نزيه و قال انا عايز 20 جنيه بس و انتوا اتصرفوا في ال 80 براحتكم، زميلك التاني طماع عايز ياخد 70 و يسيب لك 10 و أنت عنداً فيه عايز تاخد 70 و تسيب له ال 10.
نسب الأكل بتاعتك كدة البروتين راجل نزيه قوي، في كل دايت بياخد نسبة ثابتة غالباً 20% و بيسبب الدهون والكربوهيدرات زي اللي مولودين فوق رؤوس بعضهم.
لو قللت الكربوهيدرات حتزيد الدهون ولو قللت الدهون حتزيد الكربوهيدرات.
وبالتالي لما بقول قليل الكربوهيدرات يبقي معناه ضمنياً عالي الدهون، بس الأساس ان الكربوهيدرات قليلة. والعكس صحيح.

طيب ليه بنقول كيتو مش بنقول قليل الكربوهيدرات low carb ؟

الحقيقة الكيتو مختلف في نظام عمله عن باقي انظمة اللوكارب.
الأول لازم تعرف إن اللوكارب low carb دي مظلة كبيرة بيندرج تحتها أنظمة غذائية كتيرة، بتختلف نوعها علي حسب المسموحات والممنوعات و نسبة الكربوهيدرات في كل نوع.
المتخصصين بيعرفوا اللوكارب low carb علي انه أي نظام غذائي فيه الكربوهيدرات تحت 45%.
أكيد حضرتك دلوقتي فهمت ان لازم الكيتو يبقي مختلف لإن نسبة الكربوهيدرات بتبقي 5 الي 10% علي الأكثر.
بس الصراحة مش ده السبب الرئيسي في التسمية دي.
السبب في تمييز الكيتو عن إخوانه من اللوكاربيين هو ان الجسم في نظام الكيتو بيعتمد علي مصدر طاقة تاني غير الجلوكوز، اللي بيعتمد عليها باقي الانظمة التانية .

اللي بيحصل في حالة عدم امداد الجسم بالكربوهيدرات ( مصدر الجلوكوز في الطعام) ، ان الكبد بيحاول ينتج جلوكوز من الدهون والبروتينات و لإن انتاج الكبد عمره ما حيكفي احتياج الجسم، فبيستغل الدهون اللي في الطعام و بيحرق الدهون المتخزنة و يستخدمها كمصدر للطاقة.
الكيتون ده منتج من الدهون و مصدر طاقة نضيف و الجسم بيبقي عليه أكتر صحة و نشاطا.
المرة الجاية نتكلم يعني ايه كيتوزيز.

كيتو.كود Keto.Code
10140
325
#كيتو دايت,#كيتوجينيك,#keto,#keto_diet,#كيتو,#دايت,#insulin_resistence,#مقاومة_الإنسولين,#السمنة,#السكر,#Keto,#Ketogenic,السكري,مرض السكري,الكيتو,الكيتو دايت,الكيتوجينك,السمنة,الدايت,الرجيم,الرجيم الكيميائي,الحمية,حمية الكيتو,تخسيس,تخسيس البطن,تخسيس الوزن,تخسيس الارداف,سكري لايف,سكري الحمل,كيتو دايت,حرق الدهون,رجيم الكيتو,اسرار التخسيس,نسف الدهون,تخسيس سريع,نظام الكيتو,vitamin,ketogenic food regimen,keto food regimen,كيتو

loading...

You might be interested in