اتوقع من الصوره شكيتوا ، هذا اكاونت سانكسته و لا دكتورة جلديه !؟ . . . بدون تفلس…

اتوقع من الصوره شكيتوا ، هذا اكاونت سانكسته و لا دكتورة جلديه 🤔!؟ .
.
.
بدون تفلسف و بدون دخول بمجال لا افقه فيه شي ، لكن إلي خلاني ابحث بهالموضوع ، شكوى صديقه و وحده من الاهل عن اعراض الروكوتان ، و بما اني احب اشوف مشكله و احلها ، و بتكلم باختصاصي تغذيه و تمرين فقط ولقيت الآتي:
.
.
أول خطأ اكتشفته تسويه صديقتي انها تاخذ الدوا قبل النوم ( بدون اكل ) ، اهوا ماراح يسبب مشاكل بالمعده و لكن نقطه مهمه بتغذيتك لازم تحرص عليها .
.
.
الروكوتان مكونه الاساسي فيتامين A و بعض الفيتامينات إلي ما تذوب إلا بالدهون ، يعني ، لازم لازم لازم لازم علشان تحصل افضل و اسرع النتايج انك تاكلها مع وجبه دسمه + ما يكون الدايت مالك قليل الدهون ابداً .
.
.
شغله ثانيه بالتغذيه ، البعض ما يلاحظ فعالية للدوا ، مثل البقيه ، و بعض الدراسات و تجارب الاشخاص تحث على قطع منتجات الحليب وقت العلاج بالروكوتان ، يعطي فعالية اكثر و يقلل مدة العلاج.
.
.
الامر الثالث ، من الاعراض الجانبيه للدوا الام المفاصل ، و كرياضي و شخص تتمرن اكيد راح يأثر عليك الموضوع اكثر من الشخص العادي ، يأثر على اداءك و اوزانك و نفسيتك اثناء التمرين ! .
.
.
فالحل شيين ، الاول تطلب من دكتورك يقلل ال dosage للدوا ، مثلاً بدل ما تاخذ ٤٠ ، تاخذ ٣٠ ، فتقل عندك الالام ، الحل الثاني تاخذ مكمل غذائي اسمه
glucosamine-chondroitin MSM ، يساعد بالحفاظ على المفاصل قويه و مرنه و يحسن من الانسجه و الاربطه.
.
.
الامر الرابع ، المشهور بين الكل ( ارتفاع انزيمات الكبد ) و الحل بسيط جداً !! تاخذ اي مكمل liver detox يحتوي على
N-acetyl-L-cysteine
L-Methionine
بعد الكورس و فقط في حال إنك خلصت من الكورس و مارجعت الانزيمات لطبيعتها.
.
.
الامر الخامس ، الاكتئاب ! و هذا مو الكل يعانون منه ، و قليل من الرياضيين ممكن يعانون منه ، لكن اذا كنت تاخذه و حسيت باكتئاب فنصيحتي لك .
١. تنام ٧-٨ ساعات .
٢. تتمرن و تطلع طاقتك السلبيه بالتمرين .
٣. لا تاكل دايت فيه حرمان و قليل بالأكل ! اشبع !.
٤. تحرص على الاغذيه الغنيه بالمغنيسيوم لتأثيره الايجابي على النفسيه.
.
.
الأمر السادس و الاخير ، الجفاف ( عند الكل ) و تغيير لون البول ( و انتو بكرامه ) ، و هذا حله واااحد ( اشررررب ماااااي ) و كرياضي عاااادي جداً مع الحبوب تزيد احتياجك من الماي قد ما تقدر !.
.
.
شي مهم الرياضي و الي يسوي دايت يتثقف بالادويه الي ياخذها و اثارها عليه و يحط لها حلول ، خصوصاً انه هذا الدوا بالذات منتشر الاستخدام و اثاره الجانبيه ( لوعه ) 😂! .
.
.
و سلامتكم !

برعايه

http://shoppingdealer.com 

http://ymarryme.com 

http://semnatv.com 

 

loading...

You might be interested in